Zeus sabe que a batalla non será sinxela. Que necesitaremos a maior axuda posible. E que mellor axuda que o Megingjörd, o cinturón que levaba o deus Thor e que dobraba a forza de quen o levase posto. 

Sabemos que está gardado na arca de Mórrígan, e que para abrila necesitamos facer xirar ao mesmo tempo as cinco chaves. Cinco chaves que están ocultas en cinco cidades distintas da Terra.

Consiguiremos atopalas? 

Contamos coa axuda de Silphiveon, un silfo ao que lle gusta xogar. Deixaranos cada día unha pista da cidade que queremos descubrir.